5 metoda za unapređenje prirodne osvijetljenosti doma

U dizajnu enterijera, prirodna svjetlost predstavlja jedan od odlučujućih faktora koji diktira atmosferu svake prostorije. Kuće i stanovi sa adekvatnom količinom prirodnog osvjetljenja stvaraju prijatnu mikroklimu koja ima značajan uticaj na krajnje raspoloženje i zdravlje korisnika prostora. U nastavku teksta izdvajamo 5 metoda u uređenju enterijera pomoću kojih se prirodna osvijetljenost prostorija značajno unapređuje. 

1.Zaštita od sunca

Prvi korak u maksimiziranju prirodnog svjetla u prostoriji jeste odabir adekvatne zaštite od sunca. Teške i tamne zavjese ili roletne mogu da blokiraju velike količine prirodnog svjetla, čak i kada su otvorene. Umjesto toga, prozirne zavjese ili roletne svjetlijih tonova omogućavaju prirodnom svjetlu da se filtrira. Pored toga, postoje i folije za prozore koje umanjuju odsjaj i UV zračenje, pri tom propuštajući svjetlost.

2.Reflektujući elementi

Druga metoda kojom se poboljšava osvijetljenost prostorije ogleda se u korišćenju reflektujućih elemenata. Ogledala, kao i sve druge sjajne i staklene površine, mogu uveliko doprinijeti osvjetljavanju prostora prirodnom svjetlostošću, čineći ga prijatnijim i prostranijim. Pored toga, integrisanjem reflektujućih površina u pod, kao što su uglačani beton ili pločice svijetlih boja, dodatno će intezivirati postojeće osvjetljenje.

3.Svijetle boje

Tamni zidovi i podovi mogu apsorbovati prirodnu svjetlost, čineći dom mračnijim i zatvorenijim. Kako bi se maksimalno iskoristila dostupna prirodna svjetlost, poželjno je odabrati svijetliju paletu boja za zidove ali i za sve druge elemente, uvećanih dimenzija. Svijetle boje reflektuju značajne količine svjetlost, čineći životni prostor otvorenijim i prozračnijim. 

1.Krovni prozori i svjetlosni tuneli

Ukoliko prostoriji nedostaje dovoljno prozora, mogu se dodati krovnih prozori ili svjetlosni tuneli.

Krovni prozor može propustiti tri puta više svjetlosti nego običan prozor. Ono što je takođe njegova velika prednost jeste to što je mnogo manje vjerovatno da će biti zasjenčen nečim spolja.

Svjetlosni tuneli mogu biti ugrađeni u različite vrste krovova, a svjetlost prenose kroz refleksiju.

5.Otvorena osnova

Kuća sa otvorenim planom dozvoljava maksimalno iskorištavanje prirodne svjetlosti koja se hvata kroz otvore, omogućavajući joj da dosegne dalje i u mračnije dijelove prostora.